最新資訊
吴若希捧走金曲金奖 即加签无綫5年长约
日期: 2015-12-22 10:09
今期流行「双吴」吴若希同吴业坤，无綫近年小生花旦越走越多，搞到人才凋零，眼见「双吴」最近声势劲，据知无綫火速加签两人5年长约，绑死「双吴」做摇钱树！难怪吴若希继《万千星辉颁奖典礼2015》凭《眼泪的秘密》撼赢汪明荃（阿姐）太阳城门户《华丽转身》，夺「最受欢迎剧集歌曲」奖，噚晚喺《劲歌金曲颁奖礼》再击退网民热捧嘅阿姐，冧庄夺「金曲金奖」，阿姐冇出席冇奖系正常，但容祖儿有出席都赢唔到吴若希，就知无綫真系捧到佢出面啦！无綫派系斗争激战，盛传综艺科制作资源总监余咏珊一派大胜横行，佢嘅老公何哲图掌管无綫旗下星梦娱乐，不但何哲图锡到吴若希燶，据知，无綫主席「壳王」陈国强更亲自出马，力斟仍有3年合约嘅吴若希，加签无綫10年长命约。
据消息人士透露：「无綫想佢加签，之前未应承，因为佢惊冇前景，但又担心冇多啲剧喺手，又唔够力返内地发展；壳王想佢签十年，但佢觉得自己年纪唔细，前排拍《实习天使》特登度期出去倾，老板何哲图陪佢一齐倾，最後决定签约。」太阳城门户据知，吴若希唔肯签10年长约，故只加签5年，底薪加一倍，由2万变4万，每两年至少出一只大碟，每年至少拍一部剧，条件优厚。今日传媒向吴若希求证，佢回覆：「冇回应呀，唔好意思！」获力捧嘅吴若希难怪噚晚击败阿姐蝉联「金曲金奖」，佢话：「相信系跟数据同投票率，唔系公司可以控制。」
