最新資訊
被胶水黐实？Krystal拖实家姐Jessica唔放
日期: 2015-10-28 09:31
韩国组合少女时代前成员Jessica同f(x)成员Krystal，系圈中出名感情要好嘅姊妹花，虽然Jessica离开咗SM事务所，得番Krystal留守，但好彩佢哋冇收到唔能够同场出席活动嘅禁令，噚日佢哋仲孖住喺首尔出席提高关注乳癌嘅慈善活动。平时习惯受家姐保护嘅Krystal呢日一反传统，拖实家姐Jessica带头行，画面好warm，两个只手仲好似被胶水黐实咁，企定定畀记者影相时依然唔放。太阳城门户同场女星仲有朴信惠同姜素拉，朴信惠好似唔惯梳all back发型露出额头，搞到成日用只手遮住，而KARA成员具荷拉就低胸上阵，不过论睇头就不及金素妍，至於韩国男歌手Rain丶EXO成员Kai丶池昌旭都有现身撑场。另外，Jessica被拍得与本地艺人陈伟霆合作拍电影，佢哋被发现喺北京一间餐厅内进行拍摄，据知今次电影是由英皇丶万达联合出品，上月已於阿拉善沙漠正式开拍，预计明年公映。
