最新資訊
四眼阿Sir揽啜 「榉坂46」未够秤成员
日期: 2015-11-03 09:44
日本女团乃木坂46呢两年大受欢迎，队中囡囡个个清纯可爱，冧得当地少男纷纷过档，今年更加系状态大勇，人气直逼AKB48。由於乃木坂46大热，王牌唱片监制秋元康早前宣布会力捧「坂道系列」第二波，呢队姊妹组合由最初嘅鸟居坂46改名为榉（音：举）坂46，从2万2千人中选出22个成员出道，今个月起会集中火力催谷，目前佢哋已经有一个逢星期日晚播出嘅电视节目，月中仲会有处女见面会。太阳城娱乐城不过当榉坂46来势汹汹，就立即爆出八卦新闻，队中17岁成员原田真结，近日有多张亲热贴纸上於网上流出，佢被一个四眼男从後熊抱，仲亲热锡嘴仔，日本网民展开起底行动後，据指呢位男士系个中学教师，网上已公开疑似男方嘅全名同埋任教校名。由於日本事务所一向对未成年艺人相当严谨，所以唔少偶像被爆恋情後都冇乜好下场，出道冇耐嘅原田，睇怕好大机会被炒，随时成为公司杀一警百嘅牺牲品。
